Skip to main content
Latest News

TDP నేతకు జగన్ సర్కార్ షాక్.. ఆ కేసు సీబీఐ చేతికి.. చిక్కులు తప్పవా!

టీడీపీ నేత, మాజీ ఎమ్మెల్యే యరపతినేని శ్రీనివాసరావు మైనింగ్ కేసు సీబీఐకి చేరబోతోంది. ఈ కేసును ఏపీ ప్రభుత్వం సీబీఐకి అప్పగించింది.. ఈ మేరకు ఉత్తర్వులు జారీ అయ్యాయి. ఈ అక్రమ మైనింగ్ కేసును సీబీఐ విచారణ జరపనుంది.. త్వరలోనే అధికారులు రంగంలోకి దిగనున్నారు. సీఐడి ఇప్పటికే కేసుకు సంబంధించిన వివరాలను సీబీఐకి పంపించింది. జనరల్‌ కన్సెంట్‌ తిరిగి తీసుకొచ్చిన తర్వాత సీబీఐకు అప్పగించిన తొలి కేసు ఇదే.

గుంటూరు జిల్లా దాచేపల్లి మండలంలోని కేసనపల్లితో పాటూ మరో గ్రామ.. పిడుగురాళ్ల మండలంలోని కోనంకిలో సున్నపురాతి గనుల తవ్వకాలపై ఫిర్యాదులు అందాయి. కోర్టులో పిటిషన్లు కూడా దాఖలు చేయడంతో.. కోర్టు విచారణ జరపాలని ఆదేశించడంతో.. సీఐడీ రంగంలోకి దిగింది. కొంతమంది సాక్ష్యులను ప్రశ్నించి.. అక్కడ అక్రమ మైనింగ్ జరిగిందని తేల్చిందట. యరపతినేని శ్రీనివాసరావు మైనింగ్‌కు సంబంధించిన కేసుపై సీఐడి విచారణ చేసి కోర్టుకు నివేదిక అందజేసింది.

నివేదికను పరిశీలించిన కోర్టు.. ఈ కేసు విచారణ ఎవరు చేయాలన్న దానిపై ( సీబీఐకి అప్పగించే అంశంపై) నిర్ణయం తీసుకోవాలని సూచించింది. ఈ వ్యవహారంపై ఏపీ ప్రభుత్వం కూడా సమాలోచనలు జరిపింది.. కేబినెట్‌లోనూ చర్చింది. గత ప్రభుత్వం సీబీఐను రాష్ట్రంలోకి అనుమతించలేదంటూ ఉత్తర్వులు జారీ చేసింది. ఎన్నికల తర్వాత కొత్త ప్రభుత్వం రావడంతో.. ఆ ఉత్తర్వుల్ని రద్దు చేశారు. దీంతో సీబీఐ ఎంట్రీకి మార్గం సుమగమం అయ్యింది. ఇప్పుడు యరపతినేని కేసు సీబీఐకు చేరింది.

మరిన్ని  రాజకీయ వార్తల కొరకు మా పాలిటిక్స్ పేజీ ని వీక్షించండి... 

Telugu News Online