Skip to main content
Latest News

టీడీపీకి మరో షాక్.. వైసీపీలోకి కీలక నేత.. ముహూర్తం ఫిక్స్..!

టీడీపీని ఆపరేషన్ ఆకర్ష్ పరేషాన్ చేస్తోంది. ఎన్నికల ఫలితాల తర్వాత ముఖ్య నేతలు వరుసగా బీజేపీలోకి క్యూ కట్టడం కలవరపెడుతోంది. ఈ వలసలు కొనసాగుతుండగానే.. ఇటు వైఎస్సార్‌సీపీలోకి చేరికలు టెన్షన్ పెట్టిస్తోంది. ఈ మధ్యే పార్టీ సీనియర్ నేత, మాజీ ఎమ్మెల్యే తోట త్రిమూర్తులు వైఎస్సార్‌సీపీ కండువా కప్పుకున్నారు. తర్వాత ఆపరేషన్ ఆమంచి పేరుతో ఎంపీ విజయసాయిరెడ్డి పెద్ద బాంబు పేల్చారు. తమ పార్టీలోకి వైఎస్సార్‌సీపీ నుంచి చేరికలు ఉండబోతున్నాయని సంకేతాలు ఇచ్చారు. భవిష్యత్‌లో టీడీపీ కనిపించదని వ్యాఖ్యానించారు. ఆపరేషన్ ఆమంచి ప్రకటించి మూడు వారాలు కూడా కాకముందే మళ్లీ టీడీపీలో కలవరం మొదలయ్యింది. పార్టీకి చెందిన మరో ముఖ్య నేత వైఎస్సార్‌సీపీలోకి వెళ్లేందుకు సిద్ధమయ్యారనే ప్రచారం జరుగుతోంది. 

Also Read : కేసీఆర్ బాటలో జగన్.. మరో పథకానికి శ్రీకారం..

ఉత్తరాంధ్రలోని విశాఖ జిల్లాకు చెందిన మాజీ ఎమ్మెల్యే, కీలక నేత పంచకర్ల రమేష్‌బాబు టీడీపీకి గుడ్ బై చెప్పేందుకు సిద్ధమైనట్లు టాక్ నడుస్తోంది. ఆయన అధికార పార్టీలోకి వెళ్లడం దాదాపు ఖాయమైందని తెలుస్తోంది. ఇప్పటికే విజయసాయిరెడ్డితో చర్చలు జరిపినట్లు సమాచారం. ఆపరేషన్ ఆమంచిలో భాగంగా పంచకర్ల వైఎస్సార్‌సీపీలోకి వెళుతున్నారనే ఉత్తరాంధ్ర టాక్. వైఎస్సార్‌సీపీ అధిష్టానం, జగన్ నుంచి పంచకర్లకు గ్రీన్ సిగ్నల్ వచ్చినట్లు తెలుస్తోంది. దసరా సమయంలో పార్టీలో చేరేందుకు ముహూర్తం కూడా ఫిక్స్ చేసుకున్నట్లు విశాఖ జిల్లాలో ప్రచారం జరుగుతోంది. 

పార్టీ మార్పుపై ఇప్పటికే పంచకర్ల తన అనుచరులకు కూడా సంకేతాలు ఇచ్చేశారట. దీనికి తోడు టీడీపీ కార్యక్రమాలకు దూరంగా ఉండటంతో రమేష్‌ పార్టీ మారబోతున్నారని చర్చ జరిగింది.  పంచకర్ల రమేష్‌ ప్రజారాజ్యం పార్టీతో పొలిటికల్ ఎంట్రీ ఇచ్చారు. 2009లో విశాఖ జిల్లా పెందుర్తి నుంచి ఎమ్మెల్యేగా పోటీచేసి గెలిచారు. తర్వాత ప్రజారాజ్యం కాంగ్రెస్‌లో విలీనం కావడం.. తర్వాత రాష్ట్ర విభజన జరగడంతో.. మారిన పరిణమాలతో గంటా శ్రీనివాసరావు, అవంతి శ్రీనివాస్‌తో కలిసి టీడీపీలో చేశారు. తర్వాత 2014లో యలమంచిలి నుంచి ఎమ్మెల్యేగా పోటీచేసి గెలిచారు. మళ్లీ ఇటీవల జరిగిన సార్వత్రిక ఎన్నికల్లో యలమంచిలి నుంచి మళ్లీ పోటీచేసి వైఎస్సార్‌సీపీ అభ్యర్థి కన్నబాబురాజు చేతిలో ఓడిపోయారు.

మరిన్ని  రాజకీయ వార్తల కొరకు మా పాలిటిక్స్ పేజీ ని వీక్షించండి... 

Telugu News Online